請踴躍投票

 

圖片來源:新聞局

 

“真係好煩，每個組別都差唔多，我唔識點揀，投咗又有咩用?可以改變到個社會咩?可以動搖到遊戲規則咩?”

“四年一度扮嘢大賽又開始，投票之前咩都答應，投完之後一直冇影，翻查過去議會嘅紀錄仲教識我咩叫知人口面不知心，好多人大大聲講嘅係一套，實際做嘅可能係另外嗰套，真係傷盡支持者個心呀!”

“一個颱風令我家園盡毀，幾個星期之內見盡呢個城市嘅荒謬，今次投票唔需要人教，唔需要猶豫，我只要令澳門變好。”

“朋友話，邊個爭取派更多錢就支持邊個！計我話，伸手問人要錢真係難聽過粗口，稍為有理智嘅人諗嘢都唔會咁簡單，我何必要支持一個水平仲低過我嘅人呀，淨係識得嗌派錢我自己嗌都得啦，要搵食唔該用吓腦啦!”

“你唔覺得好好睇咩，選舉論壇真係好精彩呀，要學識有學識，要演技有演技，又有人身攻擊，又有潑婦罵街，網上爆料夠精彩，抺黑手段夠刺激，仲有大量單單打打互相批判，最啱嗰班又要睇又要鬧嘅網民啦，真係好睇過師奶劇囉!”

選舉在即，有人真心投入，有人冷嘲熱諷，相信大家都耳聞目睹不少這類“真知灼見”吧!

我有時真的不知道澳門人對於選舉的態度算是世故還是天真，到底是世事都被他們看透了，抑或有太多人傻傻地分不清選舉是怎樣一回事?從前，每到選舉宣傳期我可能會變得很熱血，或者很憂心，總之會一直關注著我所看到的形勢變化。不過近年對網上事事要先表態的風氣有點不以為然，也明白政治是眾人的事，每個人都可以為自己想達到的目的作出選擇，也就學會冷靜下來，多看多聽多關心，但少講為妙。

不管你是否相信這場選舉可以選賢與能，九月十七日這件大事還是會如期舉行，與其不聞不問或者聽人擺布亂投一通，不如趁還有時間認真研究一下各候選組別的能力和主張。如果還有餘力，請呼籲家人朋友踴躍投票。大家都不要看輕自己手中的一票，也許你不馬虎投票的一點點力量，真的可以為澳門帶來改變呢!

 

(刊於2017年9月13日澳門日報新園地)